თქვენი მომავალი 5 და 10 წლის შემდეგ

როდესაც 20 წლის ხარ იმაზე ზედმეტია საუბარი, რომ შენ ყველას მსგავსად გაივლი ცხოვრების გზას. ეს ის მშვენიერი პერიოდია, როდესაც ნათელია, რომ ყველა ხალხი ჩვეულებრივია, მხოლოდ შენ ხარ რჩეული და საუკეთესო მომავალი გელის. ეს სინამდვილეს შეეფერება, თუ შენ გამბედაობა გეყოფა და ინერციას არ აყვები და ნამდვილად რჩეული იქნები და არა მხოლოდ ეგრე ივარაუდებ. მაგრამ ეხლა სხვა რამეს შევეხოთ.

სხვა საკითხია, როდესაც შენ უკვე 30 წლის ხარ. ჩვევები შექმნილია, საახლობლო წრე ჩამოყალიბებულია, წარსულის ტვირთი ყველგან შენთან არის, საკუთარი ზურგით დაათრევ - გადაგდება გენანება. და აი აქ საკმაოდ აქტუალურია, და რაც მთავარია, უტყუარია ის ორი საშუალება , რომლითაც შეძლებთ საკუთარი მომავლის ნახვას 5 – 10 წლის შემდეგ. ვცადოთ ?

როგორ გავიგოთ საკუთარი მომავალი 10 წლის შემდეგ ?

პირველი საშუალება

თქვენ გარემოცვას დააკვირდით: კოლეგებს, ნათესავებს, მეგობრებს, ნაცნობებს - ყველა მათგანს, ვისთანაც თქვენ რეგულარულად ურთიერთობთ. თუნდაც თვეში ორჯერ მაინც. განსაკუთრებით მათ ვისთანაც უფრო ხშირად , კვირაში ერთხელ მაინც, გაქვთ შეხება. თანაც საუბარია არა მხოლოდ მეგობრობაზე და თბილ ურთიერთობაზე, არამედ ყველანაირ, თუნდაც უმნიშვნელო და უსიამოვნო იძულებით ურთიერთობაზე.

ყურადღებით დააკვირდით მათ ვინც თქვენზე 5 წლით უფროსია.

გილოცავთ, ეს თქვენი მომავალია 5 წლის შემდეგ !

ეხლა დააკვირდით მათ, ვინც თქვენზე 10 წლით უფროსია - ეს თქვენი მომავალია 10 წლის შემდეგ.

მოსალოცათ გაქვთ საქმე იმ შემთხვევაში (და ვიმედოვნებ, რომ ეგრეთებიც მკითხულობენ), თუ თქვენ გარშემო მხოლოდ სამაგალითო პიროვნებები არიან, რომელთა წრეშიც ყოფნა აღფრთოვანებით გავსებთ.

წინააღმდეგ შემთხვევაში, ყურადღებით დააკვირდით და გაანალიზეთ.

თუ თქვენ ყველაფერს ხელშეუხებლად დატოვებთ, იგივე მიმართულებით განაგრძობთ მოძრაობას და არანაირ კარდინალურ ნაბიჯებს არ გადადგავთ თქვენი ჭეშმარიტი სურვილების განსახორციელებლად, მაშინ თქვენ ეხლავე შეგიძლიათ იხილოთ სად მიგიყვანთ ეს გზა. შორს წასვლა აღარ დაგჭირდებათ.

გთავაზობთ ყურადღების გამახვილებას როგორც გარეგნულ ატრიბუტიკაზე - ადამიანს რა გააჩნია (ფინანსური დამოუკიდებლობა, ოჯახი, საქმე, გარეგნობა), ასევე მისი განწყობა: რას გრძნობს, რა სიხშირით იღიმის, რამდენად დეპრესიული და შიშების გავლენის ქვეშ იმყოფება, კეთილია თუ გაბოროტებული და მთელ სამყაროზე აღრენილია და ასე შემდეგ. ყველაფერი კომპლექსურად და აუღელვებად შეააფასეთ. მსგავსება ყველაზე ოპტიმისტური პროგნოზით 80% შეადგენს, სინამდვილეში კი 97% იქნება მოსალოდნელი ...

ნება მომეცით შეგახსენოთ:

ცხოვრებაში ყველაზე დიდი უგუნურობაა - ყოველდღიურად ერთი და იგივე აკეთოდ და ცვლილებებს ელოდოთ.

ჰოროსკოპები, ვარსკვლავები და ფერადი ბუშტები არაფერს ცვლიან ))) ხალხი თქვენი გარემოებიდანაც კითხულობენ მსგავს სისულელეებს.

საშუალება მეორე

მაგრამ არსებობს კიდევ ერთი საშუალება საკუთარი მომავლის შემეცნებისა - შექმნათ იგი.

ამით მომავლის ჭვრეტის საშუალებები იწურება. ან საკუთარ მომავალს თავად ქმნით, ან გარემოს აკოპირებთ.

საკუთარი სამყაროს შექნა, ნაბიჯ ნაბიჯ გზის გაკაფვით, იუველირის სიზუსტით საკუთარი გარემოს შერჩევით, საქმის, აზრების, დეკორაციების და ემოციებისაც კი. ეს ერთეულების გზაა, რომელსაც სტატისტიკის მოიხედვით მოსახლეობის მხოლოდ 3% ირჩევს.  ეს რთულია, მაგრამ ეს ამათ ღირს. საჭიროა  პასუხისმგებლობის საკუთარ თავზე აღება, არ შეშინდეთ, გარისკოთ, საკუათარ თავს ბევრი კითხვები დაუსვათ, უთხრათ „არა“ ტანჯვასა და ეჭვებს, ყოველ ჯერზე უნდა ფეხზე წამოდგეთ, რამდენად მტკივნეულიც არ უნდა იყოს დაცემა, და რაც მთავარია - ყოველთვის განაგრძოთ წინსვლა, მაშინაც კი , როდესაც გაურკვეველია ეს „წინ“ სად იმყოფება.

>>>ტკივილი გარდაუვალია, მაგრამ ტანჯვა - ყველა ცალკე აღებული ადამიანის არჩევანია.

ხ. მურაკამი

ალბათ ესე ხდებიან რჩეულები, მაგრამ ამათ ღირს -  გახდე ნამდვილად მშვიდი და ბედნიერი ადამიანი.

საკუთარი ცხოვრების ავტორი და რედაქტორი ... თუნდაც 10 წლის შემდეგ.

მუდამ თქვენი

გაიღიმეთ - ეს გადამდებია :)

                                                                                                      ავტორი: ოლესია ნოვიკოვა

                                                                                                      თარგმნა: STAR-TI

და კიდევ ერთი რამ. თუ თქვენ დაინტერესდით ბლოგში არსებული თემატიკით, კომენტარები დატოვეთ, რომ თქვენი დაინტერესება გამოჩნდეს, რადგან ვგეგმავ კიდევ რამოდენიმე ციკლის დაწყებას. ინტერნეტ სივრცეში კიდევ უამრავი ავტორია ვინც აღნიშნულ სფეროში მოღვაწეობს და რამოდენიმე მათგანის თანხმობა მივიღე მათი მასალები ქართულ ენაზე რომ ვთარგმნო. ასე რომ, თუ თქვენთვის ეს საინტერესო იქნება გთხოვთ კომენტარებში მიუთითოთ აღნიშნულის შესახებ და ახალ პუბლიკაციებსაც შემოგთავაზებთ. 

      ერთად გავიაროთ წარმატების გზა ;)

ყველაფერი კარგად არის, მაგრამ კარგი არაფერია.

ყველაფერი კარგად არის, მაგრამ კარგი არაფერია.

ყველაზე საზიზღარი მდგომარეობა, რომელიც ჟანგივით უხილავად, მაგრამ დაუნდობლად  ჩვენ ცხოვრებას ანადგურებს - ეს უმოქმედებაა. ცხოვრების ტოტალური მობეზრება, რომელიც იაფფასიანი გართობების  და უაზრო დროისხარჯვის სანელებლით არის შეზავებული.

სანელებლების წყალობით კერძის მირთმევა შესაძლებელი ხდება.

იგივე ხდება ცხოვრებაშიც: მთავარია - ყოველ შაბათ-კვირას სახინკლეში, კინოთეატრში, მაღაზიაებში სიარული, წელიწადში ერთხელ კი სადმე დასასვენებლად გამგზავრება, აღნიშნული ორჯერ თუ მოგიხერხდათ, მაშინ ეს უკვე საკმარისია ირგვლივ არსებული გახრწნის სუნი შთანთქოს. უმოქმედების ყოფიერება, რომელიც საკუთარ ოცნებებზე და მიზნებზე პარაზიტირებს.

ან საკმარისია რეგულარულად ადრენალინი იჩხვლიტოდ, ემოციების ექსტრემალური ნაკადი იმხელაა, რომ ცხოვრების სიმწრის გემო აღარ იგრძნობა, რაც საშუალებას იძლევა სრული იგნორირება გაუკეთოდ  საკუთარი უნარების ტოტალური დეფორმაციის შეგრძნებას, თანაც  გაცილებით მაღლა დააყენოთ თავი მათზე, ვისთვისაც მოცემული რეალობისაგან თავის დახწევა მიუწვდომელია.

პრიმიტიულ ასპირინათ გვევლინება ბუმბერაზების ციტატები, თითქოსდა მათი გამუდმებული დაფოსტვით თქვენ სიბრძნეს ეზიარებით. სინამდვილეში კი - ეს მხოლოდ მსგავს მბეჭდავებთან გაახლოვებთ...

ყველაფერი კარგად არის, მაგრამ კარგი არაფერია - ეს შინაგანი სიღრმისეული განწყობაა ყველა მათგანის, ვინც ცხოვრებას მოიხმარს. ცდილობენ ცხოვრების  ყველა ხელთარსებული საშუალებით გალამაზებას, მაგრამ რატომღაც არაფერი არ გამოსდით. ვიღაც ფიქრობს, რომ გამოსავალი არსებული გართობების გაუმჯობესებაშია, ისინი უფრო მეტს შოულობენ და უფრო მეტს ხარჯავენ, მაგრამ გართობები ისეთივე „იაფფასიანი“ რჩება.

ბევრის შოვნა, თუ თქვენ ცხოვრების მხოლოდ მომხმარებელი ბრძანდებით - შეუძლებელია.

ფული, სიხარული, ცხოვრების გემოს სრული შეგრძნება ნემსების გარეშე, მათ შორის ადრენალინის შემცველისაც, შემოქმედებაშია.

იყვე შემოქმედი - ადამიანის დანიშნულებაა, რომელშიც ყველა საკუთარ უნიკალურ ნიჭს და განუმეორებლობას პოულობს. ყველა ადამიანს გააჩნია ის , რაც  შეუძლია სამყაროს მიართვას. აბსოლიტურად ყველას. ეს ჩვენი არსია, თუ გსურთ.

როდესაც რაღაცას გააზრებულად ქმნით, შესაძლებელი ხდება მოხმარებითაც დატკბეთ და ამასთანავე სრულად შეიგრძნობთ სავსე ცხოვრების არომატს.

ჩვენ შემოქმედათ მოვევლინეთ ამ სამყაროს.

როდესაც  ბუნებას ვუარყოფთ და ვივიწყებთ, ჩვენ ვჟანგდებით და გარდავიქმნებით უნიათო საბრალო არსებებად, რომლებსაც აღარ ძალუძთ დღე ისე გაატარონ , რომ სიხარულის ინიექცია არ მიიღონ, იმის ნაცვლად, რომ თავად შექმნან სიხარული.

რა მოუვა იმ ფრინველს, რომელსაც ფრთებს დააჭრიან ? რა ბედი ელის თევზს წყლის გარეშე ? დააკვირდით ზოოპარკში ლომებს და ვეფხვებს. ისინი თავის გარემოს არიან მოწყვეტილნი. მათში ბუნებრივი ყოველდღიურად კვდება. მათ თვალებში სიცოცხლის ნაოპერწკალი ნელ - ნელა ქრება. სარკეში ჩაიხედეთ და მასში იგივე სურათი აირეკლება - თუ თქვენ უკვე არ დაახწიეთ თავი გონების მარწუხებიდან  და არ შეუდექით საქმის ცნობიერად კეთებას.

მიპასუხეთ, ზოოპარკის ლომს მეტი საკვები რომ მისცეთ, მისი თვალები ცხოვრებით უფრო აივსება და აციმციმდება ? მაშ რატომ გგონიათ, რომ თუ მთელ სამყაროს შემოივლით, იყიდით  საოცნებო მანქანას და ყოველდღიურად ხინკალს მიირთმევთ თქვენი თვალები ავტომატურად აინთება ? ამასთანავე იგივე ლომი  სიამოვნებით მოგინადირებთ და თქვენით ივახშმებს, თუ მას შემთხვევით ველურ ბუნებაში გადაეყრებით. თქვენი თვალები კი ბედნიერებით იქნება ანთებული ეს ლომი ველურ ბუნებაში რომ მოინახულოდ (რა თქმა უნდა უსაფრთხო მანძილიდან)) აფრიკულ ტურნეში, როდესაც მგზავრობაც და გართობაც თქვენი გზის შემადგენელი ნაწილი იქნება  და არა შინაგანი ნაპრალების უაზრო ამოვსების სასოწარკვეთილი მცდელობა.

ეს ისტორია იმას არ ეხება, კარგია თუ არა რომ შოკოლადის ტორტი მიირთვად. მე მხოლოდ იმას ვამტკიცებ, რომ ყოველდღიურად მხოლოდ შოკოლადის ტორტი რომ მიირთვად - ძალიან სწრაფად თქვენ ის ყელში ამოგივათ და ძალებიც არანაირად არ მოგემატებათ. თუ თქვენ ცხოვრებას მხოლოდ მოიხმართ - იგივე შედეგი გელით.

გალიას თავი დაახწიეთ და ქმედებას შეუდექით, რაც არ უნდა იყვეს იგი. ჰქმენით სიყვარულით და პასუხისმგებლობით და პროცესში მთელი თქვენი არსება ჩააქსოვეთ.

ძალების გახარჯვის ნუ გეშინიათ - ეს ძალების მოზიდვის ერთადერთი საშუალებაა.

ვირტუალურ სამყაროში ეს არ კეთდება , მხოლოდ პრაქტიკაში. ადამიანი, რომელიც საქმის კეთებას იწყებს, დებს მასში ენერგიას და  პროცესში კორექტირება შეაქვს, ჭეშმარიტებასთან გაცილებით ახლოა, ვიდრე ის , ვინც მთელ ცხოვრებას ძიებაში ატარებს და თანაც კანკალით ფიქრობს , რომ „ესეც ჩემი არა არის“.

P.S. არ მოიწყინოთ;)

ძალების მოკრეფვა

სად მოვიძიოთ ძალები საჭირო გარდაქმნისათვის?

ცნობილია, რომ ყველაფერი ენერგიაზეა დაფუძნებული. ჩვენი ცხოვრებისეული ტონუსი, ქმედებების უნარი და საღი აზროვნება - დამოკიდებულია ჩვენ ორგანიზმში არსებულ თავისუფალი ენერგიის მარაგზე. მაშ როგორ მოვიზიდოთ მეტი თავისუფალი ენერგია ჩვენს ორგანიზმში ?

სპეციალისტების კლასიკური პასუხი გახლავთ: წყალი, სუნთქვა, კვება და რეგულარული ფიზიკური დატვირთვები.

ჩვენ მოგვეთხოვება სწორი მოქმედებები (მეტი წყლის მიღება, ხარისხიანი კლვება, ღრმად სუნთქვა და სპორტული დატვირთვა) და სხეული გამოიღვიძებს, უზარმაზარი ენრგიით აივსება და სურვილს გაგიჩენთ, რომ მთები გადადგათ.

მაშ ასე, მე სრული პასუხისმგებლობით ვაცხადებ, რომ პრაქტიკა საკმარისი არ არის . ეს ცხოვრების მნიშვნელოვანი ნაწილია, რომ თავი უკეთ იგრძნოთ და ცვლილებების პროცესი გაუშვათ. ეს გაცილებით ჯანმრთელი ცხოვრების წესისკენ გადადგმული ნაბიჯია, მაგრამ შინაგანი ძალის და დრაივის წყაროს გასაღები სხვა რამეში მდებარეობს.

ადამიანში კოლოსალური ენერგიის და შინაგანი ძალის რეზერვია დამალული, მაგრამ უმეტესობა მას არასდროს არ იყენებს.

უკვე საკმაოდ დიდი ხნის მანძილზე ასე თუ ისე  განსხვავებულ მიდგომებს  და პრაქტიკებს ვსწავლობ ენერგეტიკის ასამაღლებლად. არ ვიტყვი, რომ ყველაფერი გამოვცადე, მაგრამ გარკვეული გამოცდილება შევიძინე. ამასთანავე, ჩემი ხასიათიდან გამომდინარე, აქტიურ დაკვირვებებს ვახდენ. შაბლონები, როგორიცაა ადამიანი წელიწადი ვარჯიშობს თუ მთელი ცხოვრება, აქვს მას განათლება თუ არა, მიაღწია რამეს საზოგადოების თვალში თუ მას ჯერ კიდევ ყველაფერი წინ აქვს - ეს  ნაკლებად მაინტერესებს და ის, რაც მე ნამდვილად მიზიდავს ადამიანში არის ანთებული თვალები, შინაგანი მუხტი და დრაივი. არიან ადამიანები, რომლებიც ანათებენ. ისინი გიზიდავენ. ამასთანავე შეიძლება კიდევ იყვეს ზომიერად ჯანმრთელი, კარგად გამოიყურებოდეს, მაგრამ შინაგანად გაქვავებული იყვეს. არც ძალა, არც დრაივი ეგეთი თვალებიდან არ მოჩანს.

სიამოვნებით და ცნობისმოყვარეობით   აღსავსე აქტიურად ვაკვირდებოდი, როგორც პრაქტიკოსებს (იოგა, ენერგეტიკული პრაქტიკები, ვეგეტარიანელობა, მედიტაციები) და შემოქმედებს (ბიზნესი, პროექტები, შემოქმედება, მასწავლებლობა), ასევე საკუთარ თავს ცხოვრების სხვა და სხვა პერიოდში და იცით რა -  მინდა ჩემს მიერ გაკეთებული დასკვნის შესახებ ხმამახლა დავიყვირო, რათა  ყველამ გაიგონოს:

სანამ თქვენ არ გაგაჩნიათ ის, რაზეც უნდა მიმართოთ ენერგია - თქვენ მას ვერ მოიპოვებთ.

მგონია კიდევაც, რომ ეს ორგანიზმის დამცავი მექანიზმიც კი არის. რაზე უნდა მიმართოთ დაგროვილი ენერგია? ძალას (ან ენერგეტიკის უფრო მაღალ გამოვლინებას) სჭირდება მიზნობრივი ხარჯვა.

რაც უფრო დიდი წვლილი შეგავთ სამყაროს განვითარებაში, მით უფრო მეტი ენერგია გეძლევათ.

არიან ადამიანები, რომლებიც საერთოდ არ არიან დაკავებულნი ენერგეტიკის ასამაღლებელი პრაქტიკებით და არც არაფერი სმენიათ აღნიშნულის თაობაზე, მაგრამ სავსე არიან უხვი ენერგიით, ცხოვრებისეული ენტუზიაზმით და შინაგანი დრაივით. არსი არა მხოლოდ პრაქტიკებში მდებარეობს (რომლებიც ძალიან კარგია, მაგრამ, განვმეორდები, არა საკმარისია), არამედ მიღებული ენერგიის რეგულარულ გამოყენებაში.

მოდით პირდაპირ ვთქვათ: რისთვის გჭირდებათ ძალა, ტონუსი, ენერგია, დრაივი, ენტუზიაზმი?

ინდური ბრძენების კარგი ანალოგია არსებობს:

ადამიანი ცხოვრების წინაშე დგას, როგორც უკიდეგანო ოკეანეს წინაშე, მაგრამ მის ხელში მხოლოდ კოვზია.

ენერგია უშვრეტია, მაგრამ ჩვენი მოთხოვნებია სასაცილო. რამდენიც შევძელით, იმდენი წავიღეთ.

კიდევ ერთხელ.

რისთვის გჭირდებათ ძალა>? რისკენ მიმართავთ მას ? როგორ გახარჯავთ ?

ჩვენი მიზნები ჩვენ ძალებს განსაზღვრავენ, გვსურს ჩვენ ეს თუ არა.

თუ თქვენ გსურთ იყვეთ ლაღი და ენერგიით აღსავსე და ამისათვის იწყებთ გარკვეულ პრაქტიკებს, მაგრამ ამასთანავე არ იცით, რისთვის გჭირდებათ მოძიებული ენერგია, მაშინ ენერგია და ძალა მოგეცემათ ზუსტად იმ რაოდენობით, რომ თქვენ თავი გაართვათ აღნიშნულ პრაქტიკებს/ვარჯიშებს. არც ეგ არის ცუდი. მაგრამ სიტყვები „ძალა“ და „შეძლება“ სხვა განზომილებიდან არის. ამას იმათთვის ვწერ, ვინც არსებულს შორის ვიწრო ზღვარს ხედავს.

თუ თქვენ ენერგიის ასამაღლებლად შესაბამისი პრაქტიკებით ხართ დაკავებულნი - ის იმ დონეზე იქნება თქვენში, რომ არსებული ცხოვრების წესი შეინარჩუნოთ (ამ პრაქტიკების ჩათვლით).  უსაზღვრო ენერგია, ენტუზიაზმი და ცხოვრების წყურვილი მაშინ იჩენს თავს, როდესაც ადამიანი მიზანს სახავს და მისკენ სწრაფვას იწყებს.

ძალა საქმისთვის გეძლევათ.

სხვაგვარად რომ ვთქვათ, როდესაც თქვენ მთების გადადგმის თაობაზე მტკიცე გადაწყვეტილებას  იღებთ, მოულოდნელად აღმოაჩენთ, რომ აღნიშნული გძალუძთ. არა „ჯერ ძალა, ენერგია და დრაივი, ხოლო მერე მოვიფიქრებ რა ვაკეთო“ არამედ აბსოლუტურად საწინააღმდეგოდ - ადამიანი პირველ რიგში იღებს მტკიცე გადაწყვეტილებას, რათა ყველაფერი შეცვალოს და  რა მიმართულებით იმოძრაოს, ხოლო შემდეგ ყოველი გადადგმული ნაბიჯისთანავე  შინაგანი ძალის და მუხტის აღზევებას გრძნობს.

საუბარი არა ზედაპირულ ვარდისფერ ოცნებებზეა, რომელიც ამ ბოლო დროს ვირუსივით არის მოდებული ინტერნეტ სივრცეში: სტატია წაიკითხა, აინთო და დღის ბოლოს დაივიწყა... საუბარი მტკიცე გადაწყვეტილებაზეა, მოქმედებების გეგმაზე და გათვითცნობიერებულ  მოძრაობაზე, რომელიც მოთმინებასაც მოიცავს, რათა დაწყებული ბოლომდე მიიყვანოთ.

მოდით პირდაპირ ვთქვათ: როდესაც ყველაფერი „კარგად“ არის, ამ პროცესის გაშვება ძალიან რთულია. ჯოჯოხეთიდან თავის დაღწევა გაცილებით იოლია, რამდენადაც აბსურდულათ არ უნდა გეჩვენოთ, ვიდრე მდორე ცხოვრების გავლენისაგან. აუცილებელია უპირობო გადაწყვეტილების მიღება, რომ იმ ადამიანათ გარდაიქმნათ ვინც საკუთარი თავის პოტენციალის სრულ რეალიზებას ახდენს. დიდი მიზნების დასახვის შიშის უკუგდება. და, რაც მთავარია, შეეშვით ენერგიის ეკონომიას - ცხოვრების მორევში თავით გადაეშვით. აი მაშინ გაჩნდება შანსი პასუხი გასცეთ კითხვას: „ვინ ვარ?“.

ადამიანი - უსაზღვრო შესაძლებლობების მქონე არსებაა, რომელსაც საოცარი ძალა გააჩნია და რომელსაც ძალუძს სურვილისამებრ შეცვალოს საკუთარი ცხოვრება და მის გარშემო არსებული რეალობა, დასახოს და მიაღწიოს ნებისმიერ მიზანს და ამასთანავე ქმნის პროცესისაგან მიიღოს უზარმაზარი სიამოვნება.

P.S. ისიამოვნეთ ;)